La giazetta rumauntscha da Düsseldorf

Prüma anneda Numer 1 Schner – marz 2022

Prüma anneda auch als PDF verfügbar

Il prüm salüd vain da mieu quartier Düsseldorf-Flingern Nord

Allegra insembel!

L'an passo haun gruppas dad iffaunts e creschieus pittüro diversas pittüras sülla salascheda dals marchapeis illa via, inua ch'eau stun daspö pü cu trenta ans: la Lindenstraße i'l quartier Düsseldorf-Flingern Nord. Quists bels exaimpels da Street Art sun uossa svanieus, ma eau d'he gieu l'occasiun da'ls pudair documenter cun mieu apparat da fotografer.

Pled sün via

Il salüd es üna giazetta per lecturas e lectuors chi vöglian ler qualchosa simpel, bel e dalettaivel davart Düsseldorf per puter. La giazetta es scritta per puter, perque cha quista lingua m'accumpagna bod mincha di illa cited inua ch'eau viv. La giazetta am permetta uschè da'm mouver in quista lingua e da'm exprimer per ella. Il salüd es eir üna spüerta a tuots chi s'interesseschan per Düsseldorf. Düsseldorf nun es New York, London, Paris u Berlin, ma Düsseldorf ho üna richa spüerta culturela. Mia intenziun principela nun es dad informer da quista spüerta. Ma Il salüd daro eir infurmaziuns davart evenimaints culturels importants in nossa cited, per exaimpel davart il Di giapunais. Mia prüma intenziun es da scriver davart impreschiuns fich persunelas, chi pudessan interesser forsa eir ad otras persunas. Il salüd es üna collecziun da fotografias e da texts cuorts lotier. Mincha fotografia es la vart davaunt dad üna cartulina, e mincha text es sia vart davous. La giazetta voul esser ün invid a tuots chi s'allegran da quists salüds. Els vegnan da la cited da naschentscha da Heinrich Heine.

Increschantüna

In mia granda cited luntauna

löntsch davent da tia vschinauncha

legi ün pled familier

in tia lingua splendurainta.

Üna matta guarda la fuorma incuntschainta

da tieu bel puter

sül mür in culur verdainta.

Ella dumanda ed eau explich gugent.

In sia buocha mauncha ün daint

e sün sieus leivs es tschiculatta.

Cuntainta la pitschna roudla davent

sün sieu trottinet modern ed argient.

Als amihs salüd’la cun ün “Increschantüna!“,

scu scha sieu plaschair füss per adüna.

Our da mieu maun crouda puolvra alva

sün l’asfalt chod da saira.

Fritz Stileleke Düsseldorf, ils 21 november 2014

Cun ün pitschen agüd da mieus amihs vegn a bröch cun que.

Eau nu poss cumprer l'amur.

Chi chi nu dumanda, resta tuct!

Nu spargner cun l'amur!

Goffers fras-chs e tuortettas cun papaver, lotier eir vendita da roba da seguond maun.

Üna matta fo reclama cun tuortettas da papaver per las chosas ch'ella voul vender.

Cur ch’eau scriv davart Street Art a Düsseldorf, stögli natürelmaing fer attent a l'artist Klaus Klinger e la gruppa Farbfieber. Klaus Klinger ho creo quista pittüra da mür in collavuraziun cun quista gruppa. Farbfieber ho prodüt bgeras pittüras da mür in nossa cited ed in otras citeds da nossa regiun. Ella ho organiso eir progets in oters lös dal muond cun artists dal pajais respectiv. La pittüra cusü as chatta sün üna chesa sper la Elisabethkirche illa vicinanza dal S-Bahnhof Düsseldorf Wehrhahn.

Scha tü voust savair dapü davart Klaus Klinger e Farbfieber, poust tü chatter ulteriuras infurmaziuns da fuonz süllas paginas seguaintas.

http://farbfieber.de/UNIQ163973830714087/SES23435286/lang1/doc226A.html

https://de.wikipedia.org/wiki/Klaus_Klinger

http://www.farbfieber.de/UNIQ163973845720861/doc67A.html